Raj Thackeray And Uddhav Thackeray : वेळ आलीय एकत्र येण्याची, ठाकरेंच्या सेनेचं ट्विट Special Report

आता बातमी महाराष्ट्रातल्या राजकारणाची...राज आणि उद्धव ठाकरे एकत्र येणार का, ही गेल्या आठवड्यात सुरु झालेली चर्चा दोन्ही ठाकरे परदेशात असल्यामुळे काहीशी थंडावली होती. मात्र ठाकरेंच्या शिवसेनेनं केलेल्या एका ट्विटमुळं या चर्चेनं आता पुन्हा जोर धरलाय. एकत्र येण्याची वेळ आलीय, असं म्हणत ठाकरेंच्या शिवसेनेकडून पुढाकार घेण्यात येत असल्याचं चित्र दिसू लागलंय. पाहूया याबाबतचा स्पेशल रिपोर्ट. 

एकमेकांना अशी साद घालून आणि त्यावर प्रतिसाद देऊन परदेश दौऱ्यावर गेलेले हे दोन नेते पुढच्या काही दिवसात महाराष्ट्रात परत येणार आहेत.

राज आणि उद्धव ठाकरेंनी एकत्र येण्याची भाषा केल्यानंतर राजकीय वर्तुळात त्याच्या जोरदार प्रतिक्रिया उमटल्या.

मनसेच्या नेत्यांनी उद्धव ठाकरेंसोबत युती करण्याच्या जुन्या कटू आठवणींना उजाळा द्यायला सुरुवात केली.

त्यानंतर मात्र आपण भारतात परतेपर्यंत या विषयावर कुणीही बोलू नये, असे आदेशच राज ठाकरेंनी दिल्यामुळं या चर्चा काहीशा थंडावल्या होत्या.

या विषयाला आता ठाकरेंच्या शिवसेनेनं केलेल्या ताज्या ट्विटमुळं पुन्हा हवा मिळालीय.


अशी सूचक पोस्ट ठाकरेंच्या शिवसेनेनं करत एकत्र येण्यासाठीची आपली आतुरता दाखवून दिलीय. 

पण या विषयावर सध्या तरी भाजपनं वेट अँड वॉचची भूमिका कायम ठेवलीय. 


((राज ठाकरे, उद्धव ठाकरे यांनी युती केली तर त्यांचा तो अधिकार आहे. शेवटी कुणी कुणासोबत युती करावी, हा त्यांचा अधिकार. आम्हाला काही प्रश्न नाही. आम्हाला आमचा पक्ष मजबूत करायचाय. त्यांना त्यांचा. आम्ही काही बोलणार नाही.))


((दोन्ही पक्षांचा अंतर्गत प्रश्न. दोन्ही भावांचा प्रश्न. साद दिली प्रतिसाद द्यायचा की नाही, हे त्यांनी ठरवावं. आम्ही लक्ष ठेवून आहोत. योग्य वेळी प्रतिक्रिया देऊ.))


तर ट्विटरवर एकत्र येण्याची वेळ आल्याची साद घालणाऱ्या ठाकरेंचे नेते प्रत्यक्षात मात्र इतरांना सबुरीचा सल्ला देतायत.


((यशावकाश होईल. चिंता करू नये. योग्य वेळी ते गोष्टी पूर्ण करतील.))


ठाकरेंची शिवसेना आणि मनसे एकत्र येणार की नाही, हा खरं तर सर्वस्वी राज ठाकरे आणि उद्धव ठाकरे यांचा निर्णय असणार आहे.

मात्र हे दोन्ही नेते परदेशात असताना सोशल मीडियावरून वातावरण निर्मिती करण्याची गरज काय, असा सवाल राजकीय वर्तुळात विचारला जातोय.

दोन पक्ष एकत्र येतील की नाही, हे भविष्यात समजेलच. 

मात्र मराठी माणसासाठी एकत्र यायला आपण किती उत्सुक होतो, हे दाखवण्यासाठी पार्श्वभूमी तयार करण्याचा तर हा प्रयत्न नाही ना, अशीही चर्चा रंगू लागलीय. 

लोकशाहीत चर्चेनं प्रश्न सुटतात, असं म्हटलं जातं.

मात्र सध्या रंगणाऱ्या या चर्चांंमुळं प्रश्न सुटणार की अधिक अवघड होणार, हे लवकरच कळेल. 

ब्युरो रिपोर्ट, एबीपी माझा.