దిశ యాప్ డౌన్‌లోడ్‌ కోసం గత ప్రభుత్వం టార్గెట్లు

Home Minister Anitha on Disha APP : మహిళలకు భద్రత కల్పించేందుకు దిశ యాప్ స్థానంలో కొత్తగా శక్తి యాప్ తీసుకొస్తున్నట్లు హోం మంత్రి అనిత ప్రకటించారు. ఈ నెల 8న మహిళా దినోత్సవం రోజున దీనిని ముఖ్యమంత్రి చంద్రబాబు ప్రారంభిస్తారని తెలిపారు. మహిళలపై లైంగిక వేధింపులు, దిశ చట్టంపై శాసన మండలిలో ప్రశ్నోత్తరాల సమయంలో వైఎస్సార్సీపీ ఎమ్మెల్సీ వరుదు కళ్యాణి పలు ఆరోపణలు చేశారు. దిశ యాప్​ను కొనసాగించకపోవడం వల్ల స్త్రీలపై అఘాయిత్యాలు జరుగుతున్నాయని ఈ యాప్​ను కొనసాగించాలని కోరారు. దీనిపై స్పందించిన హోం మంత్రి ధీటుగా సమాధానం ఇచ్చారు.