نئے شادہ شدہ جوڑے کا آشیانہ پاکستانی گولہ باری سے تباہ

کپوارہ : رات کی خاموشی کو چیرتے ہوئے پاکستان کی جانب گے داغے گئے گولوں نے نہ صرف شمالی کشمیر کے کپوارہ ضلع میں گھروں کی دیواریں توڑ دیں، بلکہ ایک نوجوان جوڑے کے خوابوں کو بھی خاک میں ملا دیا۔ تین ماہ قبل ہی جاوید احمد خان نے اپنے بھائی کی دھوم دھام سے شادی کی اور شادی سے چند عرصہ قبل ہی آشیانہ تعمیر کیا تھا۔  جاوید کا کہنا ہے کہ انتہائی شوق اور جذبے سے انہوں نے اپنے خوابوں کا محل تعمیر کیا۔ انہوں نے کہا: ’’گولہ باری نے صرف چار دیواریں ہی نہیں پھاندی، بلکہ برسوں سے دیکھے گئے خوابوں کو خاک میں ملا گیا۔‘‘لائن آف کنٹرول پر کشمیر سمیت جموں صوبے میں بھی کئی آشیانے تباہ ہوئے ہیں جبکہ حکام کی جانب سے فراہم کردہ اعداد و شمار کے مطابق 17افراد بھی شیلنگ کی زد میں آکر فوت ہو چکے ہیں۔