Vaibhav Suryavanshi Century Records | ఒక్క సెంచరీతో ఎన్నో రికార్డులను బద్ధలు కొట్టిన వైభవ్ సూర్యవంశీ | ABP Desam

 ఒకే ఒక్క సెంచరీతో బోలెడన్ని రికార్డులు బద్ధలు కొట్టేశాడు వైభవ్ సూర్యవంశీ. 14ఏళ్ల చిన్న వయస్సులోనే ఐపీఎల్ ఆడేస్తున్న వైభవ్..నిన్న గుజరాత్ టైటాన్స్ పై 35 బంతుల్లోనే సెంచరీ బాదేశాడు. ఈ క్రమంలో 17 ఏళ్ల క్రితం యూసుఫ్ పఠాన్ నెలకొల్పిన 37 బంతుల్లో భారత్ తరపున ఫాసెస్ట్ ఐపీఎల్ సెంచరీ రికార్డును బద్ధలు కొట్టాడు వైభవ్ సూర్యవంశీ. ఫన్ ఫ్యాక్ట్ ఏంటంటే యూసుఫ్ పఠాన్ ఈ సెంచరీ ఫాసెస్ట్ సెంచరీ కొట్టేటప్పటికీ ఇంకా వైభవ్ సూర్యవంశీ పుట్టను కూడా పుట్టలేదు. ఐపీఎల్ చరిత్రలో వైభవ్ సూర్యవంశీ కొట్టింది సెకండ్ ఫాస్టెస్ట్ సెంచరీ. వైభవ్ కంటే ముందు క్రిస్ గేల్ ఉన్నాడు. విండీస్ వీరుడు కేవలం 30 బాల్స్ లోనే సెంచరీ బాదేశాడు. గేల్ తర్వాత ఉన్నది ఇక మన బుడ్డోడే. నిన్నటి సెంచరీతో వైభవ్ రోహిత్ శర్మ రికార్డును కూడా సమం చేశాడు. ఇంటర్నేషనల్ మ్యాచెస్ లో ఇండియా తరపున ఫాస్టెస్ట్ సెంచరీ రోహిత్ శర్మ పేరు మీదే ఉంది. హిట్ మ్యాన్ 35 బంతుల్లోనే టీ20 ల్లో సెంచరీ కొట్టాడు. ఇప్పుడు సరిగ్గా 35 బాల్స్ లోనే ఐపీఎల్ సెంచరీ కొట్టిన వైభవ్ సూర్యవంశీ...ఆ రకంగా రోహిత్ శర్మ రికార్డును సమం చేశాడు. ఈ సీజన్ లో ఫాస్టెస్ట్ హాఫ్ సెంచరీ వైభవ్ పేరు మీదే నమోదైంది. నిన్నటి మ్యాచ్ లో 17 బంతుల్లోనే హాఫ్ సెంచరీ కొట్టాడు.  ఫాస్టెస్ట్ సెంచరీ కూడా ఎలానో వైభవ్ ఇదే. ఇప్పుడు ఈ యంగెస్ట్ బ్యాటర్ ఫాసెస్ట్ హాఫె్ సెంచరీ..ఫాస్టెస్ట్ సెంచరీ రికార్డును వైభవ్ సూర్యవంశీ పేరు మీద నుంచి బద్ధలు కొట్టాలంటే ఇంకో కుర్రాడు ఎవడో ఒకడు 13ఏళ్లకే ఐపీఎల్ ఆడేసి 35 కంటే తక్కువ బంతుల్లో సెంచరీ కొట్టాలి. అది సాధ్యమే అంటారా.