Digvesh Rathi Notebook Celebrations Priyansh Arya | ప్రియాంశ్ ఆర్య కొహ్లీలా రివేంజ్ తీర్చుకుంటాడా | ABP Desam

 నిన్న రాత్రి పంజాబ్ కింగ్స్ తో జరిగిన మ్యాచ్ లో 172 పరుగుల టార్గెట్ ఇచ్చిన లక్నో సూపర్ జెయింట్స్ ఆ లక్ష్యాన్ని కాపాడుకోలేకపోయింది. పంజాబ్ కంప్లీట్ డామినెన్స్ చూపించి 8 వికెట్ల తేడాతో ఘన విజయాన్ని సాధించింది. లక్నో బౌలర్లు ఎవరైనా పంజాబ్ బ్యాటర్ ని ఆడనివ్వకుండా అడ్డుకోగలిగారు అంటే అది కేవలం యువ ఓపెనర్ ప్రియాంశ్ ఆర్యను మాత్రమే.  లక్నో కుర్ర బౌలర్ దిగ్వేష్ రాథీ ప్రియాంశ్ ఆర్యను 8పరుగులకే అవుట్ చేశాడు. ఆర్య ఇచ్చిన క్యాచ్ ను శార్దూల్ ఠాకూర్ పట్టుకోగా...పంత్ ను దాటి దూసుకెళ్లిన దిగ్వేష్ డగౌట్ కు నడుచుకుంటూ వెళ్తున్న ప్రియాంశ్ ఆర్య దగ్గరకు వెళ్లి నోట్ బుక్ సెలబ్రేషన్ చేశాడు. అంటే ఏం లేదు నా వికెట్ల ఖాతాలో నీ పేరు కూడా రాసుకున్నాను పో అని రెచ్చగొట్టడం. ఈ ఐఫీఎల్ తోనే డెబ్యూ చేసిన ప్రియాంశ్ ఆర్య తన ఫస్ట్ మ్యాచ్ లో అద్భుతంగా రాణించాడు. గుజరాత్ మీద 23 బాల్స్ లోనే 47 పరుగులు చేశాడు. కానీ రెండో మ్యాచ్ లో ఫెయిల్ అయ్యేప్పటికి ఇలా లక్నో బౌలర్ దిగ్వేష్ రెచ్చగొట్టాడు. ఈ ఇన్సిడెంట్ ను చూసిన అభిమానులు పాత కొహ్లీ ఇన్సిడెంట్ ఒక దాన్ని గుర్తు తెచ్చుకుంటున్నారు. 2017 లో కరేబియన్ దీవుల్లో ఇండియా వర్సెస్ వెస్టిండీస్ మ్యాచ్ జరిగితే వెస్టిండీస్ బౌలర్ కెస్రిక్ విలియమ్స్ అని ఇలానే ఓవరాక్షన్ చేశాడు. కొహ్లీ వికెట్ తీసి తర్వాత కింగ్  దగ్గరకు వచ్చి ఇలా నోట్ బుక్ సెలబ్రేషన్ చేశాడు. దాన్ని గుర్తు పెట్టుకున్న కొహ్లీ 2019లో అంటే రెండేళ్ల తర్వాత సేమ్ వెస్టిండీస్ తో హైదరాబాద్ లో టీ20 జరుగుతున్నప్పుడు విరుచుకపడిపోయాడు. 50 బంతుల్లోనే 94 పరుగులు బాదటంతో పాటు ఆ వెస్టిండీస్ బౌలర్ విలియమ్స్ ను టార్గెట్ చేసి చావగొట్టాడు. బౌండరీ, సిక్స్ కొట్టడం ప్రతీసారి విలియమ్స్ దగ్గరకు వెళ్లి నోట్  బుక్ సెలబ్రేట్ చేయటం స్టార్ట్ చేశాడు కొహ్లీ. అలా తనను రెచ్చగొట్టిన దాన్ని గుర్తు పెట్టుకుని మరీ వడ్డీతో సహా తిరిగి ఇచ్చేశాడు కొహ్లీ. ఇప్పుడు అంత సైలెంట్ గా ఉండే ప్రియాంశ్ ఆర్యను దిగ్వేష్ సేమ్ సెలబ్రేషన్ తో రెచ్చగొట్టాడు. మరి రాబోయే మ్యాచుల్లో ప్రియాంశ్ ఎలా దీనికి కౌంటర్ ఇస్తాడో చూడాలి.