आयपीच्या सामने रंगत असताना दुसरीकडे मुंबई इंडियन्सच्या टीमने त्यांच्या जिम सेशनचा व्हिडिओ सोशल मीडियावर पोस्ट केला आहे. या व्हिडिओमध्ये कॅप्टन रोहित शर्मा त्याची मुलगी समायराबरोबर दिसत आहे. याआधीही समायराचे अनेक व्हिडिओ आपण पाहिले आहेत. या व्हिडिओमध्ये बाकीचे खेळाडू वर्कआउट करताना दिसत आहेत. कोणी जड वजन उचलताना दिसतोय तर कोणी मसाज करून घेताना पाहायला मिळतयं. व्हिडिओमध्ये रोहित जेव्हा आपल्या मुलीसोबत जिममध्ये येतो तेव्हा मुलगी समायराही दोन हात करायला लागते. समायरा तिच्या वडिलांबरोबर वर्कआउट करताना दिसतेय. या व्हिडीओमध्ये 'बेबी एबी' या नावाने प्रसिद्ध असलेला दक्षिण आफ्रिकेचा अंडर-19 खेळाडू डिवाल्ड ब्रेविसही दिसत आहे. यादरम्यान काही खेळाडू मस्ती करताना पाहायला मिळतायतं. आयपीएलमध्ये मुंबई इंडियन्सचा पुढील सामना 6 एप्रिल रोजी कोलकाता नाइट रायडर्स विरुद्ध आहे. या सीझनमध्ये मुंबईने आतापर्यंत दोन सामने खेळले आहेत. या दोन्हीत संघाचा पराभव झाला आहे. पहिल्या सामन्यात दिल्लीकडून तर दुसऱ्या सामन्यात राजस्थानकडून पराभव पत्करावा लागला होता. मात्र, या दोन सामन्यांमध्ये संघासाठी चांगली गोष्ट म्हणजे तिलक वर्मा हा फ्रँचायझीला नवा स्टार मिळाला आहे. राजस्थानविरुद्धच्या सामन्यात टिळकने 61 धावांची खेळी केली.
Category
🗞
News