Alyaa Gad - Q & A: Irritability in Young Women العصبية في السيدات الشابات

السؤال بيقول أنا رجل متزوج وأب لطفلين عمرهم 5 سنين وسنتين منذ ولادة أطفالنا وزوجتي أصبحت عصبية جدا وأنا غير قادر على التعامل معها هل توجد نصائح في هذا الشأن؟
العصبية هي حالة عاطفية بسبب يعني وجود مشاعر بالإحباط والضيق موجودة داخل الإنسان هو من الطبيعي إن إحنا نكون عصبيين ساعات لما يبقى الموقف في البيت أو في الشغل يعني في ضغط عصبي فظيع مطلوب مننا حاجات كتير في نفس الوقت وإحنا مش قادرين نعملها فا نبقى عصبيين دة طبيعي لكن لما تبقى العصبية طول الوقت ومن غير سبب واضح احتمال يكون لها سبب طبي محتاجين نتعامل معاه في حالة زوجتك أنا أفترض إنه أسباب العصبية عندها حاجتين إما عندها ضغط عصبي فظيع في البيت ومحتاجة مساعدة يعني شغل البيت كتير عليها أو الأطفال يعني هي مش قادرة عليهم لوحدها وهنا في الحالة دي محتاجة مساعدة يمكن حد يساعدها في البيت أو أنت توفر لها وقت من وقتك ومحتاجة تعمل شوية رياضة كمان لأن الرياضة بتقلل شحنة العصبية والغضب عندنا وتمرينات تنفس واسترخاء هتساعد أوي زي ما بتلاقيها في اليوجا مثلا أغلب السيدات اللي أنجبوا أطفال عندهم نقص في عناصر معينة في جسمهم نقص العناصر دي أو بعض الأمراض المزمنة بيسبب العصبية إيه العناصر دي أهم حاجة الحديد فيتامين د ويمكن مشكلة في الغدة الدرقية أو أي مشكلة هرمونية تانية يمكن مبادئ مرض سكر حاجات كدة مين اللي يعرف السبب والحل بتاعه؟ طبيب أمراض باطنية أو يعني طبيب باطنة بعد ما يعمل كشف عام ويعمل تحليل دم يطلب منكم تحليل دم ها يعرف إذا في حاجة ناقصة عوضوها في الحالة دي ها تتحسن حالتها النفسية برضه يبقى عندنا سببين إما ضغط عصبي في البيت وعايزين نتعامل معاه بشوية مساعدة ورياضة أو سبب طبي وعضوي عندها في الجسم محتاجين نعوض النقص الغذائي اللي عندها أو نصلح المرض اللي قد يكون موجود عندها علشان حالتها النفسية تتحسن
أتمنى لك ولها كل الحب والسعادة تحياتي

Subscribe to official Alyaa Gad channel : http://bit.ly/AlyaaGad

Follow Alyaa Gad :
http://www.afham.tv
https://www.facebook.com/dr.AlyaaGad
https://twitter.com/AlyaaGad